“Existen en Galicia unha serie de conxuntos urbanos policéntricos formados por vilas que establecen entre elas múltiples relacións e sinerxias, e conforman espazos dinámicos cunha poboación cuantitativamente equiparable á de calquera cidade galega compacta de tamaño medio pero cuns vínculos co territorio máis diversos.

Este tipo de situacións podémolas atopar en áreas como O Salnés, O Barbanza, A Mariña Lucense… estruturas que aparecen como “cidades subxacentes”, en formación e cunha masa crítica que permite grandes potencialidades para xerar riqueza e servizos ós cidadáns. ¿Cómo debemos abordar estes espazos dende o mundo da arquitectura e a planificación do territorio?; ¿é factible unha planificación conxunta?, e en todo caso,¿con que nivel de intensidade? ¿plans supramunicipais?, ¿consorcios?, ¿fusións de concellos?”

—

A Fundación Galicia Sustentable colabora con esta publicación que pode ser adquirida a través do COAG