Plan Social ENCE Pontevedra
Máis biodiversidade nos eucaliptais, máis vida no solo
A Fundación Galicia Sustentable e ENCE, a través do seu Plan Social, fan posible dar a coñecer catro anos de traballo experimental sobre como ordenar, coidar e producir: máis biodiversidade en eucaliptais activos e chan san nas parcelas en transición, en colaboración coa Cátedra Hijos de Rivera-UDC de Desenvolvemento Sostible.
Un plan social convertido en coñecemento aberto
O Plan Social de ENCE Pontevedra financia a divulgación dos aprendizados obtidos despois de catro anos de traballo na finca experimental da Fundación Galicia Sustentable: como sumar biodiversidade en plantacións activas de eucalipto e como coidar o solo nas parcelas en transición cara a outros usos.
Ese traballo non nace co plan social. Vén dunha alianza previa —o convenio marco asinado en outubro de 2020 coa Cátedra Hijos de Rivera-UDC de Desenvolvemento Sostible— que sostivo catro anos de experimentación real sobre o terreo, con resultados agora recollidos en dúas guías técnicas, unha cronoloxía fotográfica e vídeos explicativos.
"Demostrar que é posible transformar un eucaliptal produtivo nun ecosistema agroecolóxico sen comprometer a produtividade."
O eucalipto non é o problema
É un cultivo forestal lexítimo e unha fonte real de renda para moitas familias e comunidades de montes en Galicia. O que si é imprescindible é facelo ben.
Ordenación forestal
Planificar as plantacións a escala de parcela e de territorio, non corta a corta.
Biodiversidade funcional
Introducir corredores, parches e cultivos acompañantes compatibles coa produción forestal activa.
Responsabilidade territorial
Que as veciñas e veciños que plantan eucalipto o fagan cun deseño sustentable, coidando o solo e o contorno.
Este proxecto non busca substituír a produción forestal, senón mellorala: máis biodiversidade nas plantacións que seguen activas, e unha transición coidada nas parcelas onde a normativa xa non permite replantar.
Explora o traballo feito na finca experimental
Dúas guías técnicas descargables, a cronoloxía do proceso, un ciclo de charlas polo territorio e os vídeos explicativos do proxecto.